Святитель Спиридон Тримифунтский

 

Дни памяти: Декабрь 12/25

 

Тропарь, глас 1

Собора Перваго показался еси поборник и чудотворец,/ богоносе Спиридоне, отче наш./ Темже мертву ты во гробе возгласив,/ и змию в злато претворил еси,/ и внегда пети тебе святыя молитвы,/ Ангелы, сослужащия тебе, имел еси, священнейший./ Слава Давшему тебе крепость,/ слава Венчавшему тя,// слава Действующему тобою всем исцеления.

 

Кондак, глас 2

Любовию Христовою уязвився, священнейший,/ ум вперив зарею Духа,/ детельным видением твоим деяние обрел еси, богоприятне,/ жертвенник Божественный быв,// прося всем Божественнаго сияния.

 

Молитва святителю Спиридону Тримифунтскому

О, всеблаженный святителю Спиридоне, великий угодниче Христов и преславный чудотворче! Предстояй на небеси Престолу Божию с лики Ангел, призри милостивым оком на предстоящии зде люди (имена) и просящия сильныя твоея помощи. Умоли благоутробие Человеколюбца Бога, да не осудит нас по беззаконием нашим, но да сотворит с нами по милости Своей! Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и в прославление твоего заступления! Избави всех, верою несумненною к Богу приходящих, от всяких бед душевных и телесных, от всех томлений и диавольских наветов! Буди печальным утешитель, недугующим врач, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий, и исходатайствуй всем, крепкия помощи твоея требующим, вся, яже ко спасению полезная! Яко да твоими молитвами наставляеми и соблюдаеми, достигнем в вечный покой и купно с тобою прославим Бога, в Троице Святей славимаго, Отца и Сына и Святаго Духа, ныне и присно и во веки веков. Аминь.

 

Личное прошение

Архиерею Божий, святителю Спиридоне, чудотворче! Молю тя, раб твой (имя), исходатайствуй милость у Бога и Спаса нашего Иисуса Христа, да молитвами твоими подаст ми (содержание прошения) и оставление всех согрешений моих. Аминь.

Рассылка новостей сайта

Чтобы своевременно получать информацию о новых публикациях на сайте, которые могут быть Вам полезны, подпишитесь на нашу рассылку, либо станьте участником группы в той социальной сети, которую Вы предпочитаете.

Радиопрограмма "Полуостров Карпасия" на радио Мария РФ
Радиопрограмма "Полуостров Карпасия" на радио Мария РФ

Вы узнаете о древних храмах и их сокровищах на полуострове Карпасия на острове Кипр. Познакомитесь с историей развития фресковой живописи. И конечно же узнаете о том, как развивалось христианство на полуострове. Познакомитесь с житиями святых епископов Карпаса.

Новые публикации

  • 1
  • 2
  • 3
Пред След